Hüquq sektoru dini qurumların dövlət qeydiyyatını aparır, dövlət qeydiyyatı haqqında məlumatları Dini qurumların dövlət reyestrinə daxil edir, hüquqi məsələlərin həllində Dövlət Komitəsinin qanuni mənafelərini məhkəmədə və digər dövlət orqanları qarşısında müəyyən olunmuş qaydada təmsil edir.

Sektor, eyni zamanda Azərbaycan Respublikası qanunvericiliyinin izahını həyata keçirmək, sənədlərin hüquqi təhlilini və ekspertizasını aparmaq, o cümlədən digər dövlət orqanlarında hazırlanan normativ-hüquqi aktların layihələrinin işlənib-hazırlanmasında iştirak etmək, Dövlət Komitəsində yaradılan daimi və müvəqqəti komissiyalar tərəfindən görülən tədbirlərin həyata keçirilməsində iştirak etmək, Dövlət Komitəsinin fəaliyyəti ilə bağlı müxtəlif təyinatlı və xarakterli müqavilələrin hazırlanmasında iştirak etmək, belə müqavilələrin hüquqi ekspertizasını həyata keçirmək kimi səlahiyyətlərə malikdir.