Suraxanıda «Gənclər və mili-mənəvi dəyərlərimiz: keçmişdən bu günə» mövzusunda konfrans keçirilib

18.05.2016

Mayın 18-də Suraxanıda Dini Qurumlarla İş Üzrə Dövlət Komitəsi və Bakı Şəhər Gənclər və İdman Baş İdarəsinin birgə təşkilatçılığı ilə «Gənclər və mili-mənəvi dəyərlərimiz: keçmişdən bu günə» mövzusunda konfrans keçirilib. Konfrans Dini Qurumlarla İş Üzrə Dövlət Komitəsi və Bakı Şəhər Gənclər və İdman Baş İdarəsi tərəfindən birgə təsdiq olunmuş tədbirlər planına əsasən təşkil olunub.

Tədbirdə DQİDK-nın Dini maarifləndirmə işinin təşkili şöbəsinin müdir müavini Ruslan Əsgərov, Dinşünaslıq ekspertizası şöbəsinin müdir müavini Cahandar Əlifzadə, Bakı Şəhər Gənclər və İdman Baş İdarəsinin rəis müavini Aydın Yusifov, Baş İdarənin Gənclərlə iş sektorunun müdiri Zamin Əhmədov , Baş idarənin və Suraxanı rayon Gənclər və İdman idarələrinin əməkdaşları, rayonun fəal gəncləri iştirak ediblər.

Bakı Şəhər Gənclər və İdman Baş İdarəsinin rəis müavini Aydın Yusifov tədbiri giriş sözü ilə açaraq mövzunun mahiyyəti və aktuallığı haqqında məlumat verib.

Dini Qurumlarla İş Üzrə Dövlət Komitəsinin Dini maarifləndirmə işinin təşkili şöbəsinin müdir müavini Ruslan Əsgərov «Gənclər və mili-mənəvi dəyərlərimiz: keçmişdən bu günə», Dinşünastlıq ekspertizası şöbəsinin müdir müavini Cahandar Əlifzadə «Milli-mənəvi dəyərlərimiz: varislik və müasirlik» mövzularında məruzələrlə çıxış ediblər.

Daha sonra Dini Qurumlarla İş Üzrə Dövlət Komitəsi tərəfindən dini radikalizmlə mübarizə və maarifləndirmə məqsədilə çəkilmiş “Fitnə” filmi nümayiş etdirilib.

Suraxanı rayon Gənclər və İdman idarəsinin rəisi Amil Bağırov tədbiri yekunlaşdıraraq, bu cür tədbirləri gələcəkdə də davam etdirməyin zərurliyini vurğulayıb.

Tədbir gəncləri maraqlandıran suallar ətrafında müzakirələrlə başa çatıb.