Şəkidə “Uşaq hüquqları aylığı” çərçivəsində tədbir keçirilib

31.10.2015

Oktyabrın 31-də DQİDK-nın Şəki bölgəsi üzrə şöbəsi tərəfindən Şəki İslam Mədrəsəsində “Uşaq hüquqlarının müdafiəsi və təbliğində İslamın rolu” mövzusunda tədbir keçirilib. Tədbirdə Şəki bölgəsi üzrə şöbənin əməkdaşları ilə yanaşı Şəki Şəhər İcra Hakimiyyətinin məsul işçisi - yetkinlik yaşına çatmayanlarla iş üzrə komissiyanın katibi Mayis Səlimov, Şəki İslam Mədrəsəsinin müdiri Rəhman Nuriyev,Şəki şəhər Mərkəzi Cümə məscidinin imamı Əslanov Əlyəsə, mədrəsənin müəllimləri və tələbələri iştirak ediblər.
DQİDK-nın Şəki bölgəsi üzrə şöbəsinin müdiri Gündüz Paşayev tədbiri giriş sözü ilə açaraq dövlətin uşaqlara verdiyi önəmdən danışıb. Tədbirdə Şəki şəhər İcra Hakimiyyətinin məsul işçisi - yetkinlik yaşına çatmayanlarla iş üzrə komissiyanın katibi Mayis Səlimov çıxış edərək uşaqların hüquqları, vəzifələri və öhdəlikləri haqqında geniş məlumat verib.

Daha sonra Şəki şəhər Mərkəzi Cümə məscidinin imamı Əslanov Əlyəsə İslamda uşaq və valideynlərin öhdəliklərindən, uşaq hüquqlarının müdafiəsindən danışıb.

Sonda tədbir iştirakçılarının sualları cavablandırılıb.