04.12.2017
(1).jpg)
Şəkidə “Dini radikalizm vətənpərvərlik ideyalarına ziddir” mövzusunda tədbir keçirilib
Dekabrın 4-də Dini Qurumlarla İş üzrə Dövlət Komitəsinin (DQİDK) Şəki bölgəsi üzrə şöbəsi və Şəki Dövlət Regional Kollecinin təşəbbüsü ilə “Dini radikalizm vətənpərvərlik ideyalarına ziddir” mövzusunda tədbir təşkil olunub.
Tədbirdə DQİDK-nın Şəki bölgəsi üzrə şöbəsinin müdiri Gündüz Paşayev, Şəki Dövlət Regional Kollecinin rəhbərliyi, müəllim və tələbələri iştirak ediblər.
Şəki Dövlət Regional Kollecinin müəllimi Rafiq Səmədov tədbiri giriş sözü ilə açaraq dini radikalizmə qarşı mübarizədə belə maarifləndirmə tədbirlərinin əhəmiyyətini xüsusi vurğulayıb.
DQİDK-nın Şəki bölgəsi üzrə şöbəsinin müdiri Gündüz Paşayev rayonda dövlət-din münasibətləri sahəsində görülən işlər barədə ətraflı məlumat verib. Natiq dini radikalizm və dini ekstremizmin milli-mənəvi dəyərlərimizə və vətənpərvərlik ideyalarına mənfi təsir etdiyini qeyd edib.
Sonda Dini Qurumlarla İş üzrə Dövlət Komitəsinin sifarişi ilə şəkilər “Şəhadət” sənədli filmi nümayiş olunub.