Mayın 22-də Qax rayonu Almalı kənd tam orta məktəbində Qax Rayon İcra Hakimiyyətinin,  Dini Qurumlarla İş üzrə Dövlət Komitəsinin Zaqatala bölgəsi üzrə şöbəsinin (DQİDK) və Qax Rayon Təhsil Şöbəsinin birgə təşkilatçılığı ilə “Dini radikalizmlə mübarizədə mənəvi dəyərlərimizin yeri və rolu” mövzusunda tədbir  keçirilib.

Tədbirdə DQİDK-nın Zaqatala bölgəsi üzrə şöbəsinin baş məsləhətçisi Tərlan Nəzərov, Almalı kənd tam orta məktəbinin direktoru Müzəffər Səfərov, məktəbin müəllimləri  və yuxarı sinif şagirdləri  iştirak ediblər.

Tədbiri giriş sözü ilə açan məktəbin direktoru Müzəffər Səfərov mövzunun əhəmiyyətindən bəhs edib. DQİDK-nın Zaqatala  bölgəsi üzrə şöbəsinin baş məsləhətçisi Tərlan Nəzərov milli-mənəvi dəyərlərdən və dini radikalizmlə mübarizədə mənəvi dəyərlərin rolundan danışıb və DQİDK-nın sifarişi ilə çəkilmiş “Şəhadət” sənədli filmi barədə məlumat verib.

Tədbir  “Şəhadət” sənədli filminin nümayişi ilə yekunlaşıb.