İyunun 14-də Dini Qurumlarla İş üzrə Dövlət Komitəsinin Ucar bölgəsi üzrə şöbəsi və Göyçay Dövlət İdarətmə və Texnologiya Kollecinin birgə təşkilatçılığı ilə 15 İyun-Milli Qurtuluş Günü ilə əlaqədar "Xalqın xilaskarı" mövzusunda elmi-praktik konfrans keçirilib.

 Kollecdə keçirilən tədbirdə çıxış edən DQİDK-nın Ucar bölgəsi üzrə şöbəsinin əməkdaşı Rauf Nəsirov, Göyçay Dövlət İdarətmə və Texnologiya Kollecinin direktoru İrşad Abbasov, Göyçay rayon Heydər Əliyev Mərkəzinin direktoru Zemfira Əliyeva və digər natiqlər qeyd ediblər ki, Ulu Öndər Heydər Əliyevin 1993-cü il iyunun 15-də respublikanın siyasi hakimiyyətinə rəhbərliyə yenidən qayıtması xalqımızın çoxəsrlik tarixinə dövlətçiliyimizin Qurtuluş tarixi kimi daxil olub.

Tədbirdə həmçinin Ümummili Liderin zəngin siyasi təcrübəsi, yüksək idarəçilik bacarığı, vətənə və xalqına olan tükənməz sevgisi və milli-mənəvi dəyərlərimizin inkişifafındakı fəaliyyəti barədə tədbir iştirakçılarına məlumat verilib.