Dövlət qurumları Masallıda dini ədəbiyyat satışı ilə bağlı reyd keçirib

11.11.2016

Dini Qurumlarla İş üzrə Dövlət Komitəsi, Daxili İşlər Nazirliyi və Dövlət Təhlükəsizliyi Xidməti bu gün Masallı rayonunda birgə reyd keçiriblər.

APA-nın cənub bürosunun xəbərinə görə, reydin keçirilməsində məqsəd rayonun mağazalarında satışı qanunazidd olan dini ədəbiyyatların aşkarlanması olub.

Masalı şəhərindəki iki ticarət obyektində yerləşən mağazalardan birində yoxlama zamanı satış üçün xüsusi razılığı və lisenziyası olmayan 55 nüsxə kitab, digərində 4 nüsxə kitab, 6 ədəd DVD diski aşkarlanaraq müsadirə olunub.

Hər iki mağaza sahibi barəsində qanunamüvafiq protokol tərtib olunub, müvafiq tədbir görüləcəyi bildirilib.