02.10.2017
.jpeg)
(1).jpeg)
.jpeg)
.jpeg)
Dini radikalizm cəmiyyət üçün böyük təhlükədir
Oktyabrın 1-də Yevlax rayon Yenicə kənd məscidi dini icmasının “İslam həmrəyliyi dini ekstremizm və radikalizmə “yox” deyir” layihəsi çərçivəsində “Müasir dövrdə İslam dünyasında dini ekstremizmin yaranma səbəbləri və fəsadları” mövzusunda maarifləndirici tədbir keçirilib.
Tədbirdə Yevlax rayon Xaldan kənd Cümə məscidi dini icmasının sədri Vaqif Xəlilov, Dini Qurumlarla İş üzrə Dövlət Komitəsinin Yevlax bölgəsi üzrə şöbəsinin əməkdaşı Fuad Şirinov, Yevlax icra başçısının Xaldan kəndi üzrənümayəndəsi Elxan Məmmədov, Xaldan bələdiyyəsinin sədri Akif Pirməmmədov, din xadimləri, dindarlar və gənclər iştrak ediblər.
Tədbiri giriş sözü ilə açan Yevlax rayon Xaldan kənd Cümə məscidi dini icmasının sədri Vaqif Xəlilov dini icmalara ayrılmış layihə çərçivəsində həyata keçiriləcək tədbirlər barədə məlumat verib və dövlətin dinə göstərdiyi xüsusi qayğıdan bəhs edib.
Mövzu ilə bağlı çıxış edən Dini Qurumlarla İş üzrə Dövlət Komitəsinin Yevlax bölgəsi üzrə şöbəsinin əməkdaşı Fuad Şirinov dini radikalizmin fəsadlarından bəhs edərək ona qarşı birlikdə mübarizənin vacibliyini qeyd edib. Natiq dini radikalizmin yaranma səbəbləri, yayılma metodları və onunla mübarizə üsulları barədə də tədbir iştrakçılarını məlumatlandırıb.
Çıxış edən digər natiqlər dini radikalizmin cəmiyyət üçün böyük təhlükə olduğunu vurğulayıblar.
Qeyd edək ki, tədbir Prezident İlham Əliyevin ölkədə dini maarifləndirmə və milli-mənəvi dəyərlərin təbliği işini daha da gücləndirmək məqsədilə dini icmalara maliyyə yardımı göstərmək üçün 27 noyabr 2014-cü ildə imzaladığı Sərəncama uyğun olaraq keçirilib.