Mayın 21-də Dini Qurumlarla İş üzrə Dövlət Komitəsinin İmişli bölgəsi üzrə şöbəsinin təşkilatçılığı və Saatlı,  Sabirabad,  İmişli,   Beyləqan  rayonlarında fəaliyyət göstərən dini icma sədrləri, din xadimlərinin  iştirakı ilə “Dini fanatizm, radikalizm və ekstremizmin mahiyyəti və təhlükələri ” mövzusunda onlayn  seminar-treninq  keçirildi.

Tədbirdə  DQİDK-nın İmişli bölgəsi üzrə şöbəsinin əməkdaşları Elvin İbrahimov,  Bəhrəm Ədalətoğlu, Sabirabad,  Saatlı, İmişli və Beyləqan  rayonlarında fəaliyyət göstərən dini icma sədrləri və din xadimləri iştirak ediblər.

Tədbirdə DQİDK-nın İmişli bölgəsi üzrə şöbəsinin əməkdaşı Elvin İbrahimov çıxış edərək mövzunun əhəmiyyətindən danışıb. O qeyd edib ki, Dövlət Komitəsi QMİ ilə birgə xurafat, dini radikalizm və ekstremizmlə mübarizə, milli-mənəvi dəyərlərimizin təbliği, tolerant və multikultural ənənələrimizin təşviqi, həmçinin radikalizmə və fanatizmə alternativ kimi ənənəvi İslam dəyərlərinin dirçəldilməsi məqsədilə dini maarifləndirmə istiqamətində respublikanın bütün bölgələrində kompleks tədbirlər keçirilir.    

Dah sonra çıxış edən digər natiqlər bildiriblər ki, dini radikalizmlə mübarizənin gücləndirilməsi və milli-mənəvi dəyərlərin qorunub saxlanılması məqsədilə dini maarifləndirmə işinin mütamadi aparılması zəruridir.   

Tədbirin sonunda tədbir  iştirakçılarını  maraqlandıran suallar cavablandırılıb.