Abşeronda və Xızıda maarifləndirmə tədbirləri keçirilib

20.06.2016

Azərbaycan Respublikasının Prezidenti cənab İlham Əliyevin ölkədə dini maarifləndirmə və milli-mənəvi dəyərlərin təbliği işini daha da gücləndirmək məqsədilə dini icmalara maliyyə yardımı göstərmək üçün imzaladığı Sərəncama əsasən bölgələrdə tədbirlər keçirilir. Dini Qurumlarla İş üzrə Dövlət Komitəsinin dəstəyi ilə Abşeron rayonunun Məhəmmədi kəndində “Dinimizi düzgün tanıyaq və düzgün tanıdaq!” layihəsi çərçivəsində növbəti maarifləndirici tədbir keçirilib. Tədbiri giriş sözü ilə açan Məhəmmədi kənd məscidi dini icmasının sədri, məscidin axundu Fərzəli Şərifov layihə çərçivəsində çıxış edərək, belə tədbirlərin milli-mənəvi dəyərlərimizin qorunması, dini radikalizm meyillərinin qarşısının alınması baxımından mühüm əhəmiyyət daşıdığını qeyd edib.Digər çıxış edən natiqlər də Azərbaycan multikulturalizminin dünyaya bir nümunə olduğunu qeyd ediblər. Tədbirin sonunda Qurani-Kərimdən hədislər oxunub. Sonda tədbir iştirakçılarını maraqlandıran suallar cavablandırılıb.

***

Xızı rayonu Giləzi qəsəbəsi “İmam Hüseyn” məscidində icmanın “İslam narkomaniya və digər zərərli vərdişlərdən uzaq olmağa çağırır” adlı layihəsi çərçivəsində növbəti tədbir keçirilib.Tədbiri giriş sözü ilə açan dini icmanın sədri Vaqif Quliyev sözügedən layihə əsasında keçirilən tədbirlər haqqında məlumat verib.Sonra çıxış edən DQİDK-nın Sumqayıt bölgəsi üzrə şöbəsinin əməkdaşı Ülvi Məmmədov bildirib ki, cəmiyyətin mənəvi ve əxlaqi dəyərlərinə böyük zərbə vuran və cəmiyyətin ən ağrılı problemlərdən biri olan narkomaniya gələcək nəslin sağlamlığı üçün, cəmiyyət və dövlət üçün çox böyük təhlükədir.Tədbirdə iştirak edən Hacı Zeynalabdin Tağıyev qəsəbəsi “Bəyverdi” məscidinin axundu, ilahiyyatçı Taleh Sadıqov İslamda insan amili, əxlaq və nəfs haqqında dini-fəlsəfi düşüncələrini tədbir iştirakçıları ilə bölüşüb.