Dekabrın 5-də Qafqaz Müsəlmanları İdarəsinin (QMİ) Masallı rayonu üzrə qazılığı və Dini Qurumlarla İş üzrə Dövlət Komitəsinin bölgə şöbəsinin birgə təşkilatçılığı ilə "Ulu Öndər və milli-mənəvi dəyərlərimiz" mövzusunda tədbir keçirilib.

Tədbirdə bölgə şöbəsinin müdiri Elvin Hüseynli, QMİ-nin Masallı rayonu üzrə qazısı Rəşid Talıbov, rayon icra hakimiyyəti başçısı Aparatının İctimai-siyasi və humanitar məsələlər şöbəsi müdirinin müavini Abbas Abbaszadə, ziyalılar, din xadimləri, dini icma sədrləri və ictimaiyyət nümayəndələri iştirak ediblər.

Çıxışlarda natiqlər Ulu Öndər Heydər Əliyevin milli-mənəvi dəyərlərimizin hamisi olduğu, eyni zamanda xalqımızı Azərbaycançılıq məfkurəsi ətrafında sıx birləşdirdiyi diqqətə çatdırılıb. Heydər Əliyevin çoxşaxəli fəaliyyətindən, Azərbaycanın inkişafı və milli dövlətçiliyin gücləndirilməsi istiqamətində misilsiz tarixi xidmətlərindən, böyük xilaskarlıq misiyyasından danışılıb.

Tədbir müzakirələrlə yekunlaşıb.