“Müasir dünyada antisemitizm mövcuddur. Xristianlar anti-semit ola bilməzlər, çünki xristian və yəhudilərin kökləri birdir”. Bu fikirləri Roma papası Fransisk bildirib. Roma papası ümid etdiyini bildirib ki, antisemitizm bütün dünyada məhv ediləcək: “Mən hər zaman yəhudilərlə katoliklər arasında qardaşlıq və qarşılıqlı anlaşmaya əsaslanan dostluğun vacibliyini qeyd etmək istəyirəm. Mən hər şeyə görə, o cümlədən dostluğumuza görə təşəkkür etmək istəyirəm”. Bununla bağlı danışan Papa Fransisk Azərbaycanı xatırlayıb: “Azərbaycanda gözəl dinlərarası görüşləri xatırlamaq istərdim ki, burada dinlərin yarada biləcəyi harmoniyanı hiss etdim. Yalnız bir yol var – hər kəsə görə dua etmək və hər kəslə ünsiyyət qurmaq, mili nizəyə çevirmək, nifrət edildiyin zaman sevmək, təhqir edildiyin zaman bağışlamaq, dünya ilə harmoniyada yaşamaq”.