İyunun 3-də Sumqayıt şəhərində Qubadlı rayonu Mədəniyyət və Turizm şöbəsi və Dini Qurumlarla İş üzrə Dövlət Komitəsinin Sumqayıt bölgəsi üzrə şöbəsinin birgə təşkilatçılığı ilə “Multikulturalizm – bəşəri sülhün qarantı” mövzusunda seminar keçirilib.
Seminarı giriş sözü ilə açan Qubadlı rayonu Mədəniyyət və Turizm şöbəsinin müdir müavini Eldar Hüseynov qloballaşma prosesinin dinilərarası və etnik münasibətlərə təsirindən danışıb. Qeyd edib ki, ölkə başçısının Azərbaycan xalqına xas olan multikultural, tolerant yaşam tərzini və bu yaşam tərzini doğuran əxlaqi keyfiyyətlərimizin dünya miqyasında geniş təbliği bəşəri sülhə və əmin-amanlığa nail olmaq istiqamətində töhfə ola bilər.
Tədbirdə DQİDK-nın Sumqayıt bölgəsi üzrə şöbəsinin aparıcı məsləhətçisi Ülvi Məmmədov multikulturalizm və tolerantlığın Azərbaycan xalqının ictimai-fəlsəfi düşüncə tarixindəki yeri və rolundan danışıb. O, qeyd edib ki, qloballaşan dünyada sivilizasiyalararası toqquşmaların zərərlərini minimuma endirmək üçün sahib olduğumuz ayrı-ayrı etnik və müxtəlif dini kimliklərin birgəyaşayışı təcrübəsinin dünya xalqları tərəfindən öyrənilməsində fayda var.
Tədbirin sonunda mövzuyla əlaqədar diskusiya aparılıb, tədbir iştirakçılarının sualları cavablandırılıb.
.JPG)
.JPG)
.JPG)
.JPG)
