Müasir dövrdə Azərbaycanın dünya ölkələri sırasında öz layiqli yerini tutması və milli-mənəvi dəyərlərimizin qorunmasında, xüsusilə də tolerantlığın və multikultural ənənələrin inkişaf etdirilərək bütün dünyaya çatdırılmasında Ümummilli Lider Heydər Əliyevin siyasi kursunun davamçısı Prezident İlham Əliyevin xidmətləri misilsizdir.
Dini Qurumlarla İş üzrə Dövlət Komitəsi tərəfindən nəşr edilmiş geniş oxucu auditoriyası üçün nəzərdə tutulan “İlham Əliyev: Azərbaycan tolerantlıq örnəyidir” kitabında Prezident İlham Əliyevin 2003-2015-ci illərdə dövlət-din münasibətləri ilə bağlı imzaladığı sərəncamları, tolerantlıq və multikulturalizm ideyalarını ehtiva edən çıxışları, nitqləri, görüşləri, müxtəlif beynəlxalq konfrans iştirakçılarına ünvanladığı müraciətləri, müqəddəs dini məkanlara etdiyi səfərləri, bayram və əlamətdar hadisələrlə bağlı dini konfessiya rəhbərlərinə ünvanladığı təbrikləri toplanıb.
Prezident İlham Əliyevin dövlət-din münasibətləri, milli-mənəvi dəyərlərin qorunması və təbliği, həmçinin, tolerantlıq və dinlərarası dialoq sahəsində fəaliyyətini əks etdirən materialların bir kitabda toplanması, bu sahədə görülən işlərin ictimai rəyə, cəmiyyətə çatdırılması baxımından olduqca zəruridir. Dövri mətbuatda və müxtəlif nəşrlərdə dərc olunmuş bu materialların vahid mənbədə cəm edilməsi tədqiqatçılar üçün də əvəzedilməz, elmi əhəmiyyət kəsb edən mənbədir.
.jpg)
