Yanvarın 27-də Ağsu rayonu Heydər Əliyev Mərkəzində Dini Qurumlarla İş üzrə Dövlət Komitəsinin (DQİDK) Şamaxı bölgəsi üzrə şöbəsi, Ağsu rayon Gənclər və İdman idarəsi (Gİİ) və Ağsu rayon Heydər Əliyev Mərkəzinin birgə təşkilatçılığı ilə “Heydər Əliyev və Azərbaycan gəncliyi” mövzusunda tədbir keçirilib.

Tədbirdə DQİDK-nın Şamaxı bölgəsi üzrə şöbəsinin əməkdaşı Tural Vahidov, Ağsu RİH-in İctimai-siyasi və humanitar məsələr şöbəsinin müdir müavini, dini qurumlarla işin təşkilatçısı Kənan Tacızadə, Ağsu rayon Gİİ-nin əməkdaşı Təhmasib Məhəmmədhüseyin, Heydər Əliyev Mərkəzinin direktoru Reyhanə Tacızadə, Gənclərin İnkişaf və Karyera Mərkəzinin rəhbəri Aynur Məmmədova və rayonun gənc fəalları iştirak ediblər.

Çıxışlar zamanı qeyd edilib ki, Ümummilli Lider Heydər Əliyev ölkə rəhbəri olduğu ilk dövrlərdən gənclərin himayədarı olaraq sağlam düşüncəli yeni nəslin yetişdirilməsini dövlət və cəmiyyətin mühüm vəzifəsi hesab edib. Ulu Öndərimiz Heydər Əliyev hər zaman gənclərə qayğı ilə yanaşıb.

Sonda mövzuya dair sənədli film nümayiş edilib.