Dini Qurumlarla İş üzrə Dövlət Komitəsi tərəfindən dini duruma nəzarət məqsədilə ölkəmizin şəhər və rayonlarındakı dini məkanlarda, televiziya kanallarında, radiolarda, internet resurslarında davamlı olaraq monitorinqlər həyata keçirilir. Eyni zamanda, bu kimi monitorinqlər Ramazan ayı boyunca da mütəmadi olaraq davam etdirilməkdədir.

Bunu Trend-ə Dövlət Komitəsinin Təhlil və Proqnozlaşdırma şöbəsinin müdiri Elnarə Kərimova deyib.

O bildirib ki, Ramazan ayında aparılan monitorinqlərdə əsas diqqət mərkəzində olan məsələlərdən biri Qafqaz Müsəlmanları İdarəsinin elan etdiyi “Ramazan təqvimi”nə riayət olunmasına nəzarət edilməsidir.